Saturday, January 30, 2010

ഇനി ഐ പാഡിന്റെ കാലം

ആപ്പിളില്‍ നിന്ന് സാങ്കേതികവിദ്യയുടെ ലോകം കാത്തിരുന്ന പുതിയ ഉപകരണം വിപണിയിലെത്തി. മാര്‍ച്ച് മാസം മുതലാണ് വില്‍‌പ്പനയ്‌ക്കായി ഉപയോക്താക്കളുടെ പക്കലെത്തുക. ഊഹാപോഹങ്ങള്‍ എറെയുണ്ടായിരുന്നു, സങ്കേതികമായി മാത്രമല്ല പേര് പ്രവചിക്കുന്നതില്‍ വരെ മത്സരിച്ചവര്‍ ഒട്ടേറെയായിരുന്നു. ഐ സ്ലേറ്റ്, ഐ ടാബ്‌ലറ്റ് എന്നിവയാകും പുതിയ ഉപകരണത്തിന്റെ പേര് എന്ന് കരുതിയവരെ അത്ഭുതപ്പെടുത്തിക്കൊണ്ടാണ് ഐ പാഡ് എന്ന പേര് ഈ മാസം 27 നടന്ന ഔദ്യോഗിക പ്രകാശനത്തില്‍ ആപ്പിള്‍ സ്ഥാപകന്‍ സ്റ്റീവ് ജോബ്സ് അവതരിപ്പിച്ചത്. ഇ എന്ന ഇംഗ്ലീഷ് അക്ഷരം ഇന്റര്‍നെറ്റിലെ മിക്ക പൊതു സൌകര്യങ്ങളുടേയും മുന്നക്ഷരമാണങ്കില്‍ ജി ഗൂഗീളിനും ഐ ആപ്പിളിനും സ്വന്തമാണന്ന തോന്നലിന് അടിവരയിടുന്നതുമാണ് പുതിയ പേരും. പ്രതീക്ഷിച്ചിരുന്നതു പോലെ മൊബീല്‍ ഫോണിനും ലാപ്‌ടോപ്പ് കമ്പ്യൂട്ടറിനും ഇടയിലാണ് പുത്തന്‍ ആപ്പിളവതാരത്തെ പ്രതിഷ്ഠിക്കാനാകുന്നത്. ആപ്പിളില്‍ നിന്ന് നേരത്തേ വന്ന ഐ പോഡ് സംഗീതവിപണിയെ ആകെ മാറ്റിമറിച്ചു, ഇതിനെ വിദഗ്ദമായും വികൃതമായും അനുകരിച്ച് അനവധി ഉപകരണങ്ങള്‍ ചെറുവിലയ്ക്ക് വരെ വിപണിയിലെത്തി. ഐ ഫോണ്‍ മൊബീല്‍ ഫോണ്‍ വിപണിയെ സ്വാധീനിച്ചത് അതിലെ മള്‍ട്ടിടച്ച് ഉപാധിയുടെ കൌതുകവും എളുപ്പവുമായിരുന്നു. ഐ ഫോണിലേക്ക് വേണ്ടിയുള്ള എണ്ണമറ്റ ആപ്ലിക്കേഷനുകളാണ് ലോകമാകമാനമുള്ള സോഫ്‌ട്‌വെയര്‍ പണിയാളുകള്‍ വികസിപ്പിച്ചെടുത്ത് ഐആപ് സ്റ്റോറിലിടുന്നത് സൌജന്യമായതും പണം കൊടുത്ത് വാങ്ങി ഇന്‍സ്റ്റാള്‍ ചെയ്യാവുന്ന ഒന്നരലക്ഷത്തോളം ആപ്ലിക്കേഷനുകള്‍ ഈ ഭണ്ഡാരത്തിലുണ്ട്. വികസിപ്പിച്ചവരുമായി ഇങ്ങനെ കിട്ടുന്ന പണം ആപ്പിള്‍ പങ്കു വയ്ക്കുന്നത് ഇതില്‍ തത്പരരായവരെ ആകര്‍ഷിക്കുന്നുണ്ട്.

ഇനി ഐ പാഡ് കാലം:

ഗൂഗിളില്‍ നിന്ന് നെക്‍സസ് വണ്‍ വാര്‍ത്ത കേട്ടുകൊണ്ടാണ് 2010 വേഗതയാര്‍ജിക്കാന്‍ തുടങ്ങിയതെങ്കില്‍ തൊട്ടുപിന്നാലെ ആപ്പിളും സാങ്കേതികാവിദ്യാ സ്‌നേഹികളെ ആകര്‍ഷിക്കുന്നു. ഒരു വലിയ ഐ ഫോണാണ് പുതിയ ഉപകരണം എന്നാണ് വിപണി നിരീക്ഷകരുടെ മതം. ഐ ഫോണിന്റെ വില്പനാബിന്ദുവായ മള്‍ട്ടിടച്ച് സ്ക്രീന്‍ മികവുറ്റതാക്കിയാണ് ഐ പാഡില്‍ അവതരിപ്പിച്ചിരിക്കുന്നത്. ആപ്പിളിന്റെ തന്നെ വെബ്‌ബ്രൌസറായ സഫാരിയിലൂടെ അനായാസം ഇന്റര്‍നെറ്റ് തിരയല്‍ നടത്താം. സ്ക്രീനില്‍ തന്നെയുള്ള ടച്ച് സ്ക്രീന്‍ ഉപയോഗിച്ച് സാധാരണ കീബോഡു പോലെ വിവരങ്ങള്‍ ടൈപ്പ് ചെയ്യാം. പ്രത്യേകമായ ഡോക്ക് പിടിപ്പിച്ചാല്‍ ആപ്പിള്‍ കീബോഡ് കൂട്ടിയിണക്കി പതിവു പോലെ ടൈപ്പ് ചെയ്യാം. വൈ ഫൈ, ബ്ലൂ ടൂത്ത്, ത്രീ ജി എന്നീ സൌകര്യങ്ങളും ഉണ്ട്.

എടുത്ത് പറയേണ്ട മറ്റോരു പ്രത്യേകത പുസ്തക വിപണിയെയാണ് ഇത്തവണത്തെ ഐ അവതാരം കണ്ണ് വയ്ക്കുന്നതെന്നാണ്, ഇതിനായി ഐബുക്ക് സ്റ്റോര്‍ തുടങ്ങിക്കഴിഞ്ഞു, പെന്‍‌ഗ്വിന്‍ അടക്കമുള്ള പ്രസാധകരുമായി കൈകോര്‍ത്തുകൊണ്ടാണ് ഐപാഡില്‍ പുസ്തകം മറിക്കാനുള്ള പദ്ധതി. നേരത്തെ ഐപോഡിന്റെ ഭാഗമായി ഐട്യൂണ്‍ വിജയകരമായി അവതരിപ്പിച്ചിരുന്നു ഇവിടെ നിന്ന് സംഗീത ഫയലുകള്‍ ഡൌണ്‍‌ലോഡ് ചെയ്തെടുക്കുന്നത് പോലെ പുസ്തകങ്ങളുടെയും പത്രമാസികകള്‍ഊടേയും ഡിജിറ്റല്‍ രൂപം ഐപാഡി ലേക്കെത്തിക്കാം,സാധാരണ പുസ്തകത്തിന്റെ വലിപ്പമാണ് ഇതിന് അതു കൊണ്ട് തന്നെ പുസ്തകം വായിക്കുന്നതു പോലെ!

ഇതു കൊണ്ടാകണം ഇ-പുസ്തക രംഗത്തെ നിലവിലെ അതികായരായ ആമസോണ്‍ കിന്‍‌ഡില്‍ പുസ്തക പ്രസാധകരുമായുള്ള വരുമാനനുപാതം ആകര്‍ഷകമാക്കിയത്.
ഇന്റര്‍നെറ്റും സംഗീതവും കൂടാതെ വീഡിയോയും (സിനിമ, സംഗീത ആല്‍ബം, സ്വന്തം കാമറാ കളക്ഷനുകള്‍, യൂ ട്യൂബ്) സൌകര്യപ്രദമായി കാണാം. നമ്മുടെ സ്ലേറ്റ് തിരിച്ച് വയ്ക്കുന്നതു പോലെ എങ്ങനെ വേണമെങ്കിലും -പോര്‍ട്രെയ്റ്റ്/ലാന്‍ഡ് സ്കേപ്പ്‌- കാണാം. ഇനി സംഗീത പേമികള്‍ക്കാണെങ്കില്‍ ഇരു വലിയ ഐ പോഡായി ഇതിനെ കാണാം, എല്ലാ ഐ പോഡ് ഉപാധികളും ഇതിലും അനായാസമായി പ്രവര്‍ത്തിക്കും. ഐ ട്യൂണില്‍ നിന്ന് പാട്ട് ഫയല്‍ വാങ്ങുകയും ചെയ്യാം. ഭൂപടങ്ങള്‍, ഫോട്ടോ ആല്‍ബം, നോട്ട് ബുക്ക്, കലണ്ടര്‍, ഡയറി, തിരയല്‍ സങ്കേതം എന്നിവയും അകമ്പടിയായുണ്ട്.


സാങ്കേതിക വിവരങ്ങള്‍:
പേര്: ഐ പാഡ് (iPad)

സ്ഥാപനം: ആപ്പിള്‍
പ്രവര്‍ത്തക സംവിധാനം: ഐ ഫോണ്‍ ഓ എസ്
സ്ക്രീന്‍: എല്‍ ഇ ഡി വര്‍ച്വല്‍ കീ ബോഡും ഇതില്‍ സന്നിവേശിപ്പിച്ചിട്ടുണ്ട്
ഡാറ്റാ: വൈ-ഫൈ (മാര്‍ച്ചില്‍ വിപണിയിലെത്തും), ത്രീ ജി (എപ്രിലില്‍)
പ്രഖ്യാപന ദിവസം: ജനുവരി 27, 2010
വിവര സംഭരണശേഷി: 16,32,64 ജിഗാ ബൈറ്റ്
സഹായ കേന്ദ്രങ്ങള്‍: ഐ ട്യൂണ്‍സ്-ഐ ബുക്ക്സ്, ആപ്ലിക്കേഷന്‍ സ്‌റ്റോറുകള്‍
പ്രോസസര്‍: 1 ജിഗാ ഹെര്‍‌ട്സ് ആപ്പിള്‍ എ4 ചിപ്പ്
ബാറ്ററി : ഉപയോഗ സമയം 10 മണിക്കൂര്‍, സ്റ്റാന്‍ഡ് ബൈ ഒരു മാസം വരെ
വലിപ്പം: 24.3 സെ.മീ നീളം, 19 സെ.മീ വീതി, 1.34 സെ.മീ കനം
ഭാരം: വൈ ഫൈ മോഡല്‍ 680 ഗ്രാം, ത്രീ ജി 730 ഗ്രാം

ഹരിതമയം ഈ ആപ്പിള്‍:

ഇലക്‍ട്രോണിക് മാലിന്യപ്പെരുക്കത്തില്‍ നിന്ന് ഒരു പരിധി വരെ മാറി നില്ക്കാനുള്ള നടപടികള്‍ കഴിഞ്ഞ കുറെ മാസങ്ങളായി ആപ്പിള്‍ എടുക്കുന്നുണ്ട്. ഗ്രീന്‍ ടെക്‍നോളജി എന്ന് ലോകത്താകമാനം വിളിക്കുന്ന ഈ രീതി അപകടകരമായ മാലിന്യങ്ങളുടെ അളവ് കുറയ്ക്കാനുള്ളതു മാത്രമല്ല, ഉപയോഗവേളയില്‍ വളരെ കുറച്ച് ഊര്‍ജം മാത്രം എടുക്കുക നിര്‍മ്മാണ സമയത്ത് പരിസര മലിനീകരണം കുറച്ചു കൊണ്ട് വരിക ഒക്കെയാണ്. എന്തിന് ഉപകരണം പൊതിയാനെടുക്കുന്ന സാധനങ്ങള്‍ വരെ ജൈവ വിഘടനത്തിന് വിധേയമാകുന്നതാകുക ഇങ്ങനെ പോകുന്നു ഹരിത ചിന്തകള്‍.
പരിസ്ഥിതി സൌഹാര്‍ദ പാതയിലൂടെയാണ് ഐപാഡും എത്തുന്നത്. ആഴ്സനിക്, മെര്‍ക്കുറി എന്നിവ ഒഴിവാക്കിയാണ് ഡിസ്പ്ലേയും അനുബന്ധ ഘടകങ്ങളും ഉണ്ടാക്കിയെടുക്കുന്നത്. പുനരുപയോഗിക്കാവുന്ന അലൂമിനിയവും ഗ്ലാസും ആണ് ചട്ടക്കൂടിലും പുറമെയും ഉപയോഗിച്ചിരിക്കുന്നത്.

പോരായ്മകള്‍: ഓഫീസ്/ബിസിനസ് ഉപയോഗത്തിനേക്കാളേറെ വിനോദ വിപണിയെയാണ് മുന്നില്‍ കാണുന്നതെന്നത് വാണിജ്യ/വ്യാപാര രംഗത്തെ ആളുകളെ നിരാശപ്പെടുത്തും, ഇന്റര്‍നെറ്റും ഇ-ബുക്കും മാത്രമാണ് ഇവര്‍ക്ക് ആശ്വസിക്കാനാകുന്ന മാറ്റം. തനത് കാമറ ഇല്ലാത്തതിനാല്‍ ലൈവ് വീഡിയോ ചാറ്റും വീഡിയോ ചര്‍ച്ചയും തടസം നേരിടും. സ്കൈപ്പ് ഉപയോക്താക്കള്‍ എങ്ങനെ നേരില്‍ കണ്ടു സംസാരിക്കും ! വരും വര്‍ഷങ്ങളില്‍ അവതരിപ്പിക്കുന്ന പതിപ്പുകളില്‍ ഉള്‍പ്പെടുത്താനായി ക്യാമറയും പ്രാദേശികഭാഷാ പതിപ്പുകളും അണിയറയില്‍ തയാറാകുന്നുണ്ടെന്ന് തത്കാലം പ്രതീക്ഷിക്കാം.
ആപ്ലിക്കേഷന്‍ പണം കൊടുത്താണ് ഡൌണ്‍‌ലോഡ് ചെയ്തുപയോഗിക്കേണ്ടത്, അത്യാവശ്യം വേണ്ടുന്ന ഗൈയിം മറ്റ് സന്നാഹം എന്നിവ കൊണ്ട് വരുമ്പോഴേക്ക് ഐ പാഡിന്റെയത്രയോ അതില്‍ കൂടുതലോ പണം ചിലവഴിക്കേണ്ടി വന്നേക്കാം. ഔദ്യോഗികമായി പിന്തുണയ്ക്കുന്ന ഭാഷകളില്‍ മലയാളം ഇല്ല. വലിയ സ്ക്രീനിലോ പ്രോജക്‍ടറിലോ കൂട്ടിയിണക്കണമെങ്കില്‍ വി‌ജി‌എ ഡോക്ക് കണക്‍ടര്‍ എന്ന കേബിള്‍ ആപ്പിളില്‍ നിന്ന് വാങ്ങണം ഇതിന് വില 1500 രൂപ. കാമറ കണക്‍ടര്‍ ഡോക്ക് കേബിളിന്റെ വില 1500 രൂപ കീബോഡ് ഡോക്ക് കണക്‍ടറിന് 3500 രൂപയും.

അനുബന്ധ വിവരങ്ങള്‍:

ഐ പോഡ്: സംഗീതാസ്വാദനത്തിനുള്ള ഉപകരണം വാക്ക്‍മാന്‍ എന്ന ഉപകരണത്തെ അപ്രത്യക്ഷമാക്കുന്നതില്‍ പ്രമുഖപങ്ക് വഹിച്ചു. കേവലം 11 ഗ്രാമില്‍ താഴെ മാത്രമാണ് ഐ പോഡ് ഷഫിളിന്റെ ഭാരം. നാനോ, ക്ലാസിക്ക്, ടച്ച് എന്നീ വകഭേദങ്ങളുമുണ്ട്. 2 ജിഗാ ബൈറ്റ് മുതല്‍ സംഭരണ ശേഷി. മോഡലുകള്‍ക്കനുസരിച്ച് വീഡിയോ/ഗെയിം അടക്കമുള്ള പല സൌകര്യങ്ങളും ലഭ്യമാണ്.

ഐ ഫോണ്‍: രണ്ടു വര്‍ഷത്തിന് മുന്‍പ് വിപണിയിലെത്തിയ ആപ്പിള്‍ മൊബീല്‍ ഫോണ്‍. ഫോണ്‍ എന്നതിലുപരിയായി ഐ പോഡിന്റെ സൌകര്യം അടക്കമുള്ള ഒരു പേഴ്സണല്‍ ഡിജിറ്റല്‍ അസിസ്റ്റന്റാണ് ഇത്. എണ്ണമറ്റ വിവിധോദ്ദേശ ആപ്ലിക്കേഷനുകളാണ് ഐ ഫോണിനെ ജനകീയമാക്കുന്നത്.

Friday, January 22, 2010

ഗൂഗിള്‍ മാപ്പിങ്‌ തടയണമെന്ന്‌ ഇന്റലിജന്‍സ്‌ വിഭാഗം

നേരത്തേ വിക്കിപീഡിയയില്‍ ലേഖനം ചേര്‍ക്കുന്നത് പഠിപ്പിക്കാനായി ഒരു മലയാളി എഞ്ചിനീയര്‍ നാട്ടില്‍ വന്നപ്പോള്‍ തന്റെ തൊട്ടടുത്ത സ്കൂളില്‍ ഒരു പരിശീലനം നല്‍കി, താമസിച്ചില്ല ഒരു പ്രമുഖപാര്‍ടിയുടെ യുവജനവിഭാഗം പരിശിലനം തടസപ്പെടുത്തിയത് “രാജ്യത്തിന്റെ സൂക്ഷ്മ വിവരങ്ങള്‍ കുട്ടികളെ കൊണ്ട് വിദേശത്തെ ശക്തികള്‍ക്കായി ചോര്‍ത്തിനല്‍കുന്നു” എന്ന ആരോപണവുമായാണ്. ഇന്ന് വിക്കിപീഡിയ മലയാളം എന്താണന്ന് എല്ലാവര്‍ക്കും അറിയാം. അഞ്ചാണ്ട് കഴിഞ്ഞപ്പോള്‍ സംസ്ഥാന വിദ്യാഭ്യാസ വകുപ്പ് സ്കൂള്‍ വിക്കി എന്ന പ്രത്യേക പദ്ധതി ഒദ്യോഗികമായി തന്നെ തുടങ്ങി.
ഈ മാപ്പിംഗ് പദ്ധതിക്കും അതു തന്നെ യാകാനാണ് സാദ്ധ്യത. നേരത്തേ അച്യുത് ശങ്കര്‍ സര്‍ ഒരിടത്ത് സൂചിപ്പിച്ചത് പോലെ നമുക്ക് ‘ആദ്യം പിണക്കം പിന്നെ ഇണക്കം അതും കഴിഞ്ഞാല്‍ വണക്കം” ആണ്. കമ്പ്യൂട്ടറിന്റെ കാര്യമായാലും ട്രാക്‍ടര്‍,മൊബീല്‍ ഫോണ്‍,വിക്കിപീഡിയ ഇപ്പോള്‍ ഗൂഗിള്‍ എര്‍ത്തും. ഡോ സിബി മാത്യൂസ് സത്യസന്ധതയുള്ള ഓഫീസര്‍ ആകാം ആ സത്യ സന്ധതയുടെ ലേബലില്‍ ആകാം താഴെ കാണുന്ന വാര്‍ത്ത വായനക്കാര്‍ വായിക്കുന്നത്, എന്നാല്‍ സംസ്ഥാന പൊലിസിലെ സൈബര്‍ സെല്ലിലോ സിഡാക് പോലുള്ള സാങ്കേതിക സ്ഥാപനങ്ങളുടെ അഭിപ്രായമോ അല്ലേ കൂടുതല്‍ ഉപയുക്തമാകുക. അതുമല്ലെങ്കില്‍ ഐ.ഐ.ടി യില്‍ അടക്കം പഠിച്ചിട്ടുള്ള ഓഫീസര്‍മാര്‍ ഐ.പി.എസ് ഉദ്യോഗസ്ഥരായി ‘മില്‍മ’ യിലും മറ്റും ഒതുങ്ങിക്കഴിയുന്നുണ്ടല്ലോ അവരുടെ അഭിപ്രായം ആരായാമല്ലോ. ഇങ്ങനെ ഈ മാപ്പിംഗ് പാര്‍ട്ടി തടയപ്പെടുകയാണങ്കില്‍ നഷ്ടമാകുന്നത് കുറെ വര്‍ഷം മാത്രമാകും, കാരണം എതാനും വര്‍ഷങ്ങാള്‍ക്കകം സംസ്ഥാനം തന്നെ ഗൂഗിളിന് ഓദ്യോഗികമായി എഴുതുന്ന കാര്യം പോലും തള്ളിക്കളയാനാത്ത സാഹചര്യത്തില്‍

മാതൃഭൂമി വാര്‍ത്ത വായിക്കുക
http://www.mathrubhumi.com/php/newFrm.php?news_id=123843&n_type=NE&category_id=3&Farc=

ഗൂഗിള്‍ മാപ്പിങ്‌ തടയണമെന്ന്‌ ഇന്റലിജന്‍സ്‌ വിഭാഗം
ആഭ്യന്തര വകുപ്പിന്‌ ഇന്ന്‌ കത്ത്‌ നല്‍കും
കേരളത്തിന്റെ സൂക്ഷ്‌മ വിശദാംശങ്ങള്‍ ഉള്‍പ്പെടുത്തി ഇന്റര്‍നെറ്റ്‌ ഭൂപടം തയ്യാറാക്കാന്‍ പ്രശസ്‌ത സെര്‍ച്ച്‌ യന്ത്രമായ 'ഗൂഗിള്‍' നടത്തുന്ന 'കേരള മാപ്പിങ്‌ പാര്‍ട്ടി' വിവാദത്തിലേയ്‌ക്ക്‌. റവന്യൂ വകുപ്പിന്റെ കീഴിലുള്ള 'ഭൂമി കേരളം' പദ്ധതി ഉദ്യോഗസ്ഥരും ചില വിദ്യാഭ്യാസ സ്ഥാപനങ്ങളും ഫിബ്രവരി അഞ്ചിന്‌ സംഘടിപ്പിച്ചിട്ടുള്ള മാപ്പിങ്‌ പാര്‍ട്ടിയില്‍ പങ്കെടുക്കാന്‍ ഒരുങ്ങുകയാണെങ്കിലും സുരക്ഷാ ഭീഷണിയുള്ളതിനാല്‍ ഗൂഗിള്‍ മാപ്പിങ്‌ പാര്‍ട്ടി നടത്താന്‍ അനുവദിക്കണോ എന്ന കാര്യത്തില്‍ അടിയന്തര ഉത്തരവ്‌ പുറപ്പെടുവിക്കണമെന്നാവശ്യപ്പെട്ട്‌ ശനിയാഴ്‌ച സര്‍ക്കാരിന്‌ കത്ത്‌ നല്‍കുമെന്ന്‌ ഇന്റലിജന്‍സ്‌ മേധാവി ഡോ.സിബി മാത്യൂസ്‌ അറിയിച്ചു.

സംസ്ഥാനത്തിന്റെ ഓരോ പ്രദേശവും ഒരുമീറ്റര്‍ സൂക്ഷ്‌മാനുപാതത്തില്‍ ഇന്റര്‍നെറ്റില്‍ രേഖപ്പെടുത്താനാണ്‌ ഗൂഗിള്‍ തിരുവനന്തപുരത്ത്‌ ആദ്യ മാപ്പിങ്‌ പാര്‍ട്ടി നടത്തുന്നത്‌. സാറ്റലൈറ്റ്‌ സഹായത്തോടെ ഭൂപടങ്ങള്‍ ലഭ്യമാക്കുന്ന 'ഗൂഗിള്‍ എര്‍ത്ത്‌' എന്ന നിലവിലെ പ്രോഗ്രാമില്‍ സംസ്ഥാനത്തിലെ ഇടവഴികളും പ്രധാന കെട്ടിടങ്ങളും ബാങ്കുകളും ആസ്‌പത്രികളുമെല്ലാം രേഖപ്പെടുത്തി സമഗ്രമാക്കാനുള്ള പരിശീലനം നല്‍കാനാണ്‌ തങ്ങള്‍ മാപ്പിങ്‌ പാര്‍ട്ടി നടത്തുന്നതെന്ന്‌ ഗൂഗിള്‍ വ്യക്തമാക്കിയിട്ടുണ്ട്‌. ഈ പദ്ധതിയില്‍ ചേരാന്‍ താല്‍പ്പര്യമുള്ളവരെ രണ്ടാഴ്‌ചമുമ്പ്‌ ഗൂഗിളിന്റെ പ്രാദേശിക പ്രതിനിധികള്‍ ക്ഷണിച്ചിരുന്നു. ഓണ്‍ലൈനില്‍ വസ്‌തുവിന്റെ സ്‌കെച്ച്‌ ലഭ്യമാക്കുകയെന്ന പ്രഖ്യാപിത ലക്ഷ്യത്തോടെ പ്രവര്‍ത്തിക്കുന്ന, റവന്യൂ വകുപ്പിന്റെ കീഴിലുളള, ഭൂമികേരളം പദ്ധതിയുടെ മുതിര്‍ന്ന ഉദ്യോഗസ്ഥരും കേരള മാപ്പിങ്‌ പാര്‍ട്ടിയില്‍ പങ്കെടുക്കുന്നുണ്ട്‌.

''മാതൃഭൂമിയില്‍ ജനവരി 13ന്‌ വന്ന വാര്‍ത്തയെത്തുടര്‍ന്നാണ്‌ ഞങ്ങള്‍ ഗൂഗിള്‍ മാപ്പിങ്‌ പാര്‍ട്ടിയെക്കുറിച്ച്‌ അറിഞ്ഞത്‌. ഇപ്പോള്‍തന്നെ ലൊക്കേഷന്‍ സര്‍വേ നടത്താന്‍ ഗൂഗിള്‍ എര്‍ത്ത്‌ ഞങ്ങള്‍ ഉപയോഗിക്കുന്നുണ്ട്‌. അതുകൊണ്ടുതന്നെ മാപ്പിങ്‌ പാര്‍ട്ടിയില്‍ നിന്ന്‌ ലഭിക്കുന്ന പുതിയ അറിവ്‌ ഞങ്ങളുടെ പ്രഖ്യാപിത ലക്ഷ്യം കൈവരിക്കാന്‍ ഞങ്ങളെ സഹായിക്കും ''- ഭൂമികേരളം പദ്ധതിയുടെ പ്രോജക്ട്‌ ഡയറക്ടര്‍ ബിജു പ്രഭാകര്‍ പറയുന്നു. സര്‍ക്കാരിന്റെ സര്‍വേ രേഖകളൊന്നും മാപ്പിങ്‌ പാര്‍ട്ടിയില്‍ നല്‍കില്ലെന്നും മറിച്ച്‌ ഓണ്‍ ലൈന്‍ ഭൂപടം തയ്യാറാക്കുന്നതില്‍ ഗൂഗിളിനുള്ള അന്താരാഷ്ട്ര വൈദഗ്‌ധ്യം ഭൂമികേരളം പദ്ധതിയ്‌ക്ക്‌ സഹായകമാവുമെന്നതിനാലാണ്‌ തങ്ങള്‍ ഈ പദ്ധതിയില്‍ രജിസ്റ്റര്‍ ചെയ്‌തിട്ടുള്ളതെന്നും ബിജു പ്രഭാകര്‍ പറയുന്നു. ഗൂഗിള്‍ മാപ്പിങ്ങിന്റെ സൗകര്യം ഉപയോഗിക്കാനായാല്‍ നിലവില്‍ ജനങ്ങളുടെ കൈയിലുള്ള സര്‍വേ സ്‌കെച്ചുകള്‍ ഗൂഗിള്‍ എര്‍ത്ത്‌ നല്‍കുന്ന സാറ്റലൈറ്റ്‌ ഭൂപടവുമായി ഒത്തുനോക്കാന്‍ കഴിയുമെന്നും ഇത്‌ സര്‍വേ നടപടികളെ കൂടുതല്‍ സുതാര്യമാക്കുമെന്നും ബിജു പ്രഭാകര്‍ വ്യക്തമാക്കി. ബിജു പ്രഭാകറിനെക്കൂടാതെ സംസ്ഥാന സര്‍വേ ഡയറക്ടര്‍ ഡോ.രവീന്ദ്രനും സര്‍വേ വകുപ്പിലെ സാങ്കേതിക വിഭാഗം മുതിര്‍ന്ന ഉദ്യോഗസ്ഥരും കേരള മാപ്പിങ്‌ പാര്‍ട്ടിയില്‍ പങ്കെടുക്കുന്നുണ്ട്‌.

എന്നാല്‍ മാപ്പിങ്‌ പാര്‍ട്ടി സംസ്ഥാനത്തിന്റെ സുരക്ഷയ്‌ക്ക്‌ ഭീഷണിയാണെന്ന നിലപാടില്‍ ഉറച്ചുനില്‍ക്കുകയാണ്‌ ഇന്റലിജന്‍സ്‌ എ.ഡി.ജി.പി. സിബി മാത്യൂസ്‌. 'സംസ്ഥാനത്തിന്റെ തന്ത്രപ്രധാന സ്ഥലങ്ങളുടെ വിശദാംശങ്ങള്‍ ഇന്റര്‍നെറ്റില്‍ ലഭ്യമാക്കുകയെന്നത്‌ തീര്‍ച്ചയായും സുരക്ഷയ്‌ക്ക്‌ ഭീഷണിയാണ്‌. മാപ്പിങ്‌ പാര്‍ട്ടിയ്‌ക്ക്‌ എന്‍ജിനീയറിങ്‌ മേഖലയില്‍ പ്രസക്തിയുണ്ടെന്ന കാര്യം നിഷേധിക്കുന്നില്ല. എന്നാല്‍ സംസ്ഥാനത്തെ സുരക്ഷയ്‌ക്ക്‌ ഭീഷണിയുണ്ടാക്കുന്ന ഈ പദ്ധതി നടത്താന്‍ അനുവദിക്കണമോ എന്ന കാര്യം അടിയന്തരമായി തീരുമാനിക്കേണ്ടത്‌ സര്‍ക്കാരാണ്‌' -ഇന്റലിജന്‍സ്‌ അഡീഷണല്‍ ഡി.ജി.പി ഡോ.സിബി മാത്യൂസ്‌ അറിയിച്ചു.ഇക്കാര്യങ്ങള്‍ സൂചിപ്പിച്ച്‌ ശനിയാഴ്‌ച ആഭ്യന്തര വകുപ്പിന്‌ കത്തുനല്‍കുമെന്നും സിബി മാത്യൂസ്‌ കൂട്ടിച്ചേര്‍ത്തു.

ഗൂഗിള്‍ മാപ്പിങ്‌ തടയണമെന്ന്‌ ഇന്റലിജന്‍സ്‌ വിഭാഗം

നേരത്തേ വിക്കിപീഡിയയില്‍ ലേഖനം ചേര്‍ക്കുന്നത് പഠിപ്പിക്കാനായി ഒരു മലയാളി എഞ്ചിനീയര്‍ നാട്ടില്‍ വന്നപ്പോള്‍ തന്റെ തൊട്ടടുത്ത സ്കൂളില്‍ ഒരു പരിശീലനം നല്‍കി, താമസിച്ചില്ല ഒരു പ്രമുഖപാര്‍ടിയുടെ യുവജനവിഭാഗം പരിശിലനം തടസപ്പെടുത്തിയത് “രാജ്യത്തിന്റെ സൂക്ഷ്മ വിവരങ്ങള്‍ കുട്ടികളെ കൊണ്ട് വിദേശത്തെ ശക്തികള്‍ക്കായി ചോര്‍ത്തിനല്‍കുന്നു” എന്ന ആരോപണവുമായാണ്. ഇന്ന് വിക്കിപീഡിയ മലയാളം എന്താണന്ന് എല്ലാവര്‍ക്കും അറിയാം. അഞ്ചാണ്ട് കഴിഞ്ഞപ്പോള്‍ സംസ്ഥാന വിദ്യാഭ്യാസ വകുപ്പ് സ്കൂള്‍ വിക്കി എന്ന പ്രത്യേക പദ്ധതി ഒദ്യോഗികമായി തന്നെ തുടങ്ങി.
ഈ മാപ്പിംഗ് പദ്ധതിക്കും അതു തന്നെ യാകാനാണ് സാദ്ധ്യത. നേരത്തേ അച്യുത് ശങ്കര്‍ സര്‍ ഒരിടത്ത് സൂചിപ്പിച്ചത് പോലെ നമുക്ക് ‘ആദ്യം പിണക്കം പിന്നെ ഇണക്കം അതും കഴിഞ്ഞാല്‍ വണക്കം” ആണ്. കമ്പ്യൂട്ടറിന്റെ കാര്യമായാലും ട്രാക്‍ടര്‍,മൊബീല്‍ ഫോണ്‍,വിക്കിപീഡിയ ഇപ്പോള്‍ ഗൂഗിള്‍ എര്‍ത്തും. ഡോ സിബി മാത്യൂസ് സത്യസന്ധതയുള്ള ഓഫീസര്‍ ആകാം ആ സത്യ സന്ധതയുടെ ലേബലില്‍ ആകാം താഴെ കാണുന്ന വാര്‍ത്ത വായനക്കാര്‍ വായിക്കുന്നത്, എന്നാല്‍ സംസ്ഥാന പൊലിസിലെ സൈബര്‍ സെല്ലിലോ സിഡാക് പോലുള്ള സാങ്കേതിക സ്ഥാപനങ്ങളുടെ അഭിപ്രായമോ അല്ലേ കൂടുതല്‍ ഉപയുക്തമാകുക. അതുമല്ലെങ്കില്‍ ഐ.ഐ.ടി യില്‍ അടക്കം പഠിച്ചിട്ടുള്ള ഓഫീസര്‍മാര്‍ ഐ.പി.എസ് ഉദ്യോഗസ്ഥരായി ‘മില്‍മ’ യിലും മറ്റും ഒതുങ്ങിക്കഴിയുന്നുണ്ടല്ലോ അവരുടെ അഭിപ്രായം ആരായാമല്ലോ. ഇങ്ങനെ ഈ മാപ്പിംഗ് പാര്‍ട്ടി തടയപ്പെടുകയാണങ്കില്‍ നഷ്ടമാകുന്നത് കുറെ വര്‍ഷം മാത്രമാകും, കാരണം എതാനും വര്‍ഷങ്ങാള്‍ക്കകം സംസ്ഥാനം തന്നെ ഗൂഗിളിന് ഓദ്യോഗികമായി എഴുതുന്ന കാര്യം പോലും തള്ളിക്കളയാനാത്ത സാഹചര്യത്തില്‍

മാതൃഭൂമി വാര്‍ത്ത വായിക്കുക
http://www.mathrubhumi.com/php/newFrm.php?news_id=123843&n_type=NE&category_id=3&Farc=

ഗൂഗിള്‍ മാപ്പിങ്‌ തടയണമെന്ന്‌ ഇന്റലിജന്‍സ്‌ വിഭാഗം
ആഭ്യന്തര വകുപ്പിന്‌ ഇന്ന്‌ കത്ത്‌ നല്‍കും
കേരളത്തിന്റെ സൂക്ഷ്‌മ വിശദാംശങ്ങള്‍ ഉള്‍പ്പെടുത്തി ഇന്റര്‍നെറ്റ്‌ ഭൂപടം തയ്യാറാക്കാന്‍ പ്രശസ്‌ത സെര്‍ച്ച്‌ യന്ത്രമായ 'ഗൂഗിള്‍' നടത്തുന്ന 'കേരള മാപ്പിങ്‌ പാര്‍ട്ടി' വിവാദത്തിലേയ്‌ക്ക്‌. റവന്യൂ വകുപ്പിന്റെ കീഴിലുള്ള 'ഭൂമി കേരളം' പദ്ധതി ഉദ്യോഗസ്ഥരും ചില വിദ്യാഭ്യാസ സ്ഥാപനങ്ങളും ഫിബ്രവരി അഞ്ചിന്‌ സംഘടിപ്പിച്ചിട്ടുള്ള മാപ്പിങ്‌ പാര്‍ട്ടിയില്‍ പങ്കെടുക്കാന്‍ ഒരുങ്ങുകയാണെങ്കിലും സുരക്ഷാ ഭീഷണിയുള്ളതിനാല്‍ ഗൂഗിള്‍ മാപ്പിങ്‌ പാര്‍ട്ടി നടത്താന്‍ അനുവദിക്കണോ എന്ന കാര്യത്തില്‍ അടിയന്തര ഉത്തരവ്‌ പുറപ്പെടുവിക്കണമെന്നാവശ്യപ്പെട്ട്‌ ശനിയാഴ്‌ച സര്‍ക്കാരിന്‌ കത്ത്‌ നല്‍കുമെന്ന്‌ ഇന്റലിജന്‍സ്‌ മേധാവി ഡോ.സിബി മാത്യൂസ്‌ അറിയിച്ചു.

സംസ്ഥാനത്തിന്റെ ഓരോ പ്രദേശവും ഒരുമീറ്റര്‍ സൂക്ഷ്‌മാനുപാതത്തില്‍ ഇന്റര്‍നെറ്റില്‍ രേഖപ്പെടുത്താനാണ്‌ ഗൂഗിള്‍ തിരുവനന്തപുരത്ത്‌ ആദ്യ മാപ്പിങ്‌ പാര്‍ട്ടി നടത്തുന്നത്‌. സാറ്റലൈറ്റ്‌ സഹായത്തോടെ ഭൂപടങ്ങള്‍ ലഭ്യമാക്കുന്ന 'ഗൂഗിള്‍ എര്‍ത്ത്‌' എന്ന നിലവിലെ പ്രോഗ്രാമില്‍ സംസ്ഥാനത്തിലെ ഇടവഴികളും പ്രധാന കെട്ടിടങ്ങളും ബാങ്കുകളും ആസ്‌പത്രികളുമെല്ലാം രേഖപ്പെടുത്തി സമഗ്രമാക്കാനുള്ള പരിശീലനം നല്‍കാനാണ്‌ തങ്ങള്‍ മാപ്പിങ്‌ പാര്‍ട്ടി നടത്തുന്നതെന്ന്‌ ഗൂഗിള്‍ വ്യക്തമാക്കിയിട്ടുണ്ട്‌. ഈ പദ്ധതിയില്‍ ചേരാന്‍ താല്‍പ്പര്യമുള്ളവരെ രണ്ടാഴ്‌ചമുമ്പ്‌ ഗൂഗിളിന്റെ പ്രാദേശിക പ്രതിനിധികള്‍ ക്ഷണിച്ചിരുന്നു. ഓണ്‍ലൈനില്‍ വസ്‌തുവിന്റെ സ്‌കെച്ച്‌ ലഭ്യമാക്കുകയെന്ന പ്രഖ്യാപിത ലക്ഷ്യത്തോടെ പ്രവര്‍ത്തിക്കുന്ന, റവന്യൂ വകുപ്പിന്റെ കീഴിലുളള, ഭൂമികേരളം പദ്ധതിയുടെ മുതിര്‍ന്ന ഉദ്യോഗസ്ഥരും കേരള മാപ്പിങ്‌ പാര്‍ട്ടിയില്‍ പങ്കെടുക്കുന്നുണ്ട്‌.

''മാതൃഭൂമിയില്‍ ജനവരി 13ന്‌ വന്ന വാര്‍ത്തയെത്തുടര്‍ന്നാണ്‌ ഞങ്ങള്‍ ഗൂഗിള്‍ മാപ്പിങ്‌ പാര്‍ട്ടിയെക്കുറിച്ച്‌ അറിഞ്ഞത്‌. ഇപ്പോള്‍തന്നെ ലൊക്കേഷന്‍ സര്‍വേ നടത്താന്‍ ഗൂഗിള്‍ എര്‍ത്ത്‌ ഞങ്ങള്‍ ഉപയോഗിക്കുന്നുണ്ട്‌. അതുകൊണ്ടുതന്നെ മാപ്പിങ്‌ പാര്‍ട്ടിയില്‍ നിന്ന്‌ ലഭിക്കുന്ന പുതിയ അറിവ്‌ ഞങ്ങളുടെ പ്രഖ്യാപിത ലക്ഷ്യം കൈവരിക്കാന്‍ ഞങ്ങളെ സഹായിക്കും ''- ഭൂമികേരളം പദ്ധതിയുടെ പ്രോജക്ട്‌ ഡയറക്ടര്‍ ബിജു പ്രഭാകര്‍ പറയുന്നു. സര്‍ക്കാരിന്റെ സര്‍വേ രേഖകളൊന്നും മാപ്പിങ്‌ പാര്‍ട്ടിയില്‍ നല്‍കില്ലെന്നും മറിച്ച്‌ ഓണ്‍ ലൈന്‍ ഭൂപടം തയ്യാറാക്കുന്നതില്‍ ഗൂഗിളിനുള്ള അന്താരാഷ്ട്ര വൈദഗ്‌ധ്യം ഭൂമികേരളം പദ്ധതിയ്‌ക്ക്‌ സഹായകമാവുമെന്നതിനാലാണ്‌ തങ്ങള്‍ ഈ പദ്ധതിയില്‍ രജിസ്റ്റര്‍ ചെയ്‌തിട്ടുള്ളതെന്നും ബിജു പ്രഭാകര്‍ പറയുന്നു. ഗൂഗിള്‍ മാപ്പിങ്ങിന്റെ സൗകര്യം ഉപയോഗിക്കാനായാല്‍ നിലവില്‍ ജനങ്ങളുടെ കൈയിലുള്ള സര്‍വേ സ്‌കെച്ചുകള്‍ ഗൂഗിള്‍ എര്‍ത്ത്‌ നല്‍കുന്ന സാറ്റലൈറ്റ്‌ ഭൂപടവുമായി ഒത്തുനോക്കാന്‍ കഴിയുമെന്നും ഇത്‌ സര്‍വേ നടപടികളെ കൂടുതല്‍ സുതാര്യമാക്കുമെന്നും ബിജു പ്രഭാകര്‍ വ്യക്തമാക്കി. ബിജു പ്രഭാകറിനെക്കൂടാതെ സംസ്ഥാന സര്‍വേ ഡയറക്ടര്‍ ഡോ.രവീന്ദ്രനും സര്‍വേ വകുപ്പിലെ സാങ്കേതിക വിഭാഗം മുതിര്‍ന്ന ഉദ്യോഗസ്ഥരും കേരള മാപ്പിങ്‌ പാര്‍ട്ടിയില്‍ പങ്കെടുക്കുന്നുണ്ട്‌.

എന്നാല്‍ മാപ്പിങ്‌ പാര്‍ട്ടി സംസ്ഥാനത്തിന്റെ സുരക്ഷയ്‌ക്ക്‌ ഭീഷണിയാണെന്ന നിലപാടില്‍ ഉറച്ചുനില്‍ക്കുകയാണ്‌ ഇന്റലിജന്‍സ്‌ എ.ഡി.ജി.പി. സിബി മാത്യൂസ്‌. 'സംസ്ഥാനത്തിന്റെ തന്ത്രപ്രധാന സ്ഥലങ്ങളുടെ വിശദാംശങ്ങള്‍ ഇന്റര്‍നെറ്റില്‍ ലഭ്യമാക്കുകയെന്നത്‌ തീര്‍ച്ചയായും സുരക്ഷയ്‌ക്ക്‌ ഭീഷണിയാണ്‌. മാപ്പിങ്‌ പാര്‍ട്ടിയ്‌ക്ക്‌ എന്‍ജിനീയറിങ്‌ മേഖലയില്‍ പ്രസക്തിയുണ്ടെന്ന കാര്യം നിഷേധിക്കുന്നില്ല. എന്നാല്‍ സംസ്ഥാനത്തെ സുരക്ഷയ്‌ക്ക്‌ ഭീഷണിയുണ്ടാക്കുന്ന ഈ പദ്ധതി നടത്താന്‍ അനുവദിക്കണമോ എന്ന കാര്യം അടിയന്തരമായി തീരുമാനിക്കേണ്ടത്‌ സര്‍ക്കാരാണ്‌' -ഇന്റലിജന്‍സ്‌ അഡീഷണല്‍ ഡി.ജി.പി ഡോ.സിബി മാത്യൂസ്‌ അറിയിച്ചു.ഇക്കാര്യങ്ങള്‍ സൂചിപ്പിച്ച്‌ ശനിയാഴ്‌ച ആഭ്യന്തര വകുപ്പിന്‌ കത്തുനല്‍കുമെന്നും സിബി മാത്യൂസ്‌ കൂട്ടിച്ചേര്‍ത്തു.

Tuesday, January 05, 2010

കുടുംബശ്രീ വെബ്‌സൈറ്റ് മലയാളത്തില്‍ ആകേണ്ടേ


കുടുംബശ്രീയുടെ വെബ്‌സൈറ്റ് അടുത്തകാലത്താണ് നവീകരിച്ച് അവതരിപ്പിച്ചത്. http://www.kudumbashree.org/
എന്നാല്‍ സൈറ്റ് മുഴുവന്‍ ആംഗലേയ വാണിയിലാണ്.

“സര്‍ക്കാര്‍ വകുപ്പുകളുടെ വെബ്‌സൈറ്റുകള്‍ മലയാളത്തിലാക്കുന്നതിന്‌ അതത്‌ വകുപ്പുകള്‍ അടിയന്തര നടപടി സ്വീകരിക്കണമെന്ന്‌ നിര്‍ദ്ദേശിച്ച്‌ സര്‍ക്കുലര്‍ പുറപ്പെടുവിച്ചിട്ട് അധിക നാളായിട്ടില്ല. സര്‍ക്കാരിന്റെ വെബ്‌സൈറ്റുകള്‍ (പൊതുമേഖലാ, സഹകരണ സ്ഥാപനങ്ങള്‍ അടക്കം) മലയാളത്തില്‍ കൂടി ലഭ്യമാക്കണമെന്ന ഐ.ടി നയത്തെ അടിസ്ഥാനമാക്കിയാണ്‌ നിര്‍ദ്ദേശം. ഇവിടെ ക്ലിക്ക് ചെയ്ത് സര്‍ക്കാര്‍ ഉത്തരവ് വായിക്കാം http://malayalam.kerala.gov.in/images/6/61/Government_order.pdf
സര്‍ക്കാര്‍ ഓഫീസുകളിലും പൊതുമേഖലാ, സഹകരണ സ്ഥാപനങ്ങളിലും വെബ്‌സൈറ്റുകള്‍ക്ക്‌
യൂണികോഡ്‌ അധിഷുിത മലയാളം ഫോണ്ടുകള്‍ ഉപയോഗിക്കണമെന്ന്‌ സര്‍ക്കാര്‍ നേരത്തെ
ഉത്തരവ്‌ പുറപ്പെടുവിച്ചിട്ടുണ്ട്‌. “
കുടുംബശ്രീ പോലുള്ള വിജയം കണ്ട പദ്ധതികള്‍ വെബ്മാധ്യമത്തിലെത്തുന്നതും ഇംഗ്ലീഷ് ഭാഷയില്‍ ഉണ്ടാകേണ്ടതും ആവശ്യമാണ്. എന്നാല്‍ ഇതിന്റെ പ്രയോജനം കിട്ടുന്ന സാധാരണക്കാരായ സ്ത്രീകളെ ഉദ്ദേശിച്ചാണ് വെബ്സൈറ്റ് രൂപസംവിധാനം ചെയ്തതെങ്കില്‍ നിശ്ചയമായും മലയാള ഭാഷയില്‍ തന്നെയാകണം, പ്രത്യേകിച്ച് ‘നമ്മുടെ ഭാഷ നമ്മുടെ കമ്പ്യൂട്ടറിന്’ എന്ന പരിപാടി സര്‍ക്കാര്‍ ശ്രദ്ധകൊടുക്കുന്ന വേളയില്‍. ഇതു മാത്രമല്ല, വെബ് 2.0 സേവനങ്ങള്‍ വഴി കുടുംബശ്രീയെ തമ്മില്‍ നെറ്റ്‌വര്‍ക്ക് ചെയ്യാനും ഇത്തരം സൈറ്റുകള്‍ വഴി നിഷ്പ്രയാസം സാധിക്കും. മലയാളത്തില്‍ ആക്കിയാല്‍ കൂടുതല്‍ സാധാരണ സ്ത്രീകളെ വെബ് മാധ്യമത്തിലേക്ക് ആകര്‍ഷിച്ച്, ഭാവിയില്‍ കരുത്താര്‍ജിക്കാന്‍ സാധ്യതയുള്ള വെബ് മാര്‍ക്കറ്റിംഗ്, വൈറല്‍ മാര്‍ക്കറ്റിംഗ് എന്നിവയില്‍ ശക്തമായ അടിത്തറ ഇപ്പോഴേ ഉണ്ടാക്കിയെടുക്കാന്‍ സാധിക്കും. ഇല്ലെങ്കില്‍ കാണാന്‍ ആകര്‍ഷകമായ ഒരു ഷോകേസ് സൈറ്റായി ഇതു മാറും. ഇംഗ്ലീഷിലുള്ള വെബ്‌സൈറ്റ് കാണാന്‍ നല്ല ചന്തമുണ്ട്, ഇതൊന്ന്
മലയാളത്തിലാക്കാനും, ട്വിറ്റര്‍ പോലുള്ള സോഷ്യല്‍ സര്‍വീസ് സൌകര്യങ്ങള്‍ കൂട്ടിയിണക്കാനും നടപടിയെടുത്താല്‍ മതി.

കുടുംബശ്രീ വെബ്സൈറ്റ് ആരാണ് ഉപയോഗിക്കേണ്ടതെന്ന് നിശ്ചയിച്ചാല്‍ ഈ പ്രശ്‌നം പരിഹരിക്കാം. ഉപയോക്താക്കളായ സ്വയം സഹായ സംഘാംഗങ്ങളെ ആണുദ്ദേശിച്ചിരിക്കുന്നതെങ്കില്‍ ഇത് മലയാളത്തില്‍ തന്നെ ആകണം എന്നു മാത്രമല്ല. ഒരു നല്ല കണ്ടന്റ് മാനേജ്മെന്റ് സിസ്റ്റം (ഡ്രുപാല്‍‍, ജൂമ്‌ല, വേഡ്പ്രസ്....) കസ്റ്റമൈസ് ചെയ്തെടുത്ത് കുടുംബശ്രീയുടെ സൈബര്‍വല നെയ്തെടുത്താല്‍, ഒരു ഇമെയില്‍ അയക്കുന്ന ലാഘവത്തില്‍ വെബ്സൈറ്റിലേക്ക് വിവരങ്ങള്‍ വിവിധ ദേശങ്ങളില്‍ നിന്ന് കൂട്ടിയിണക്കാന്‍ സാധിക്കും. മാത്രമല്ല വിവിധ ഉത്പന്നങ്ങള്‍ക്കാവശ്യമായ തദ്ദേശീയമായ അസംസ്കൃത പദാര്‍ത്ഥങ്ങള്‍ ശേഖരിക്കാനും, നിര്‍മ്മിച്ചെടുത്ത ഉത്പന്നങ്ങള്‍ വില്‍ക്കുവാനും സേവനം നല്‍കുവാനും ഇതേ മലയാളം പോര്‍ട്ടല്‍ ഉപയോഗിക്കാം. കൂടാതെ അക്കൌണ്ട് തയാറാക്കാന്‍ വെബ് അധിഷ്ഠിതമായ ഒരു സൌകര്യം വികസിപ്പിച്ചെടുത്ത് വിന്യസിച്ചാല്‍ പലസ്ഥലങ്ങളില്‍ വച്ച് കണക്കുകള്‍ നോക്കാനും മുകളിലേക്ക് പരിശോധനയ്ക്ക് സമര്‍പ്പിക്കാനും ആകും. ത്രിഫ്ട് വായ്പയുടെ അടവ് മുതലായവ പരീശോധിക്കാനും എളുപ്പത്തില്‍ സാധിക്കും. അയല്‍‌വക്ക സംഘത്തിന്റെ ഉത്പന്നങ്ങള്‍ എടുത്ത് വില്‍ക്കുകയുമാകാം.


സ്റ്റോപ് പ്രസ്: ഇതു സംബന്ധിച്ച് കുടുംബശ്രീയ്ക്ക് ഇമെയില്‍ അയച്ചിരുന്നു. എക്സിക്യുട്ടീവ് ഡയറക്‍ടര്‍ നല്‍കിയ മറുപടി കത്തില്‍ മലയാളത്തില്‍ ഉടനെ തന്നെ വെബ് പോര്‍ട്ടല്‍ തയാറാക്കുന്നുണ്ടന്ന് അറിയിച്ചിട്ടുണ്ട്. നന്ദി