Thursday, March 04, 2010

ഇങ്ങനെയും ഭാഷയുടെ തനിമ നിലനിര്‍ത്താം :-(

ഈ ബ്ലോഗ് പോസ്റ്റിനൊപ്പമുള്ള പരസ്യം വായിക്കുക. കേരള ഭാഷാ ഇന്‍സ്റ്റിട്യൂട്ട് പ്രസിദ്ധീകരണമായ ‘വിജ്ഞാനകൈരളി’ യുടെ ഡിസംബര്‍ ലക്കത്തിലെ ഒരു പരസ്യമാ‍ണ് പ്രതിപാദ്യ വിഷയം. പരസ്യം ഇന്‍സ്റ്റിട്യൂട്ടിന്റെതു തന്നെ, അന്താരാഷ്ട്ര പുസ്തകോത്സവം ആണ് വിഷയം. ഇത് നടക്കുന്ന സ്ഥലത്തിന്റെ പേര് കൌതുകമുണര്‍ത്തും. അരയിടത്തു ബ്രിഡ്ജ് ഗ്രൌണ്ട്. കോഴിക്കോട്ടെ ഈ സ്ഥലത്തിന് അരയിടത്ത് പാലം മൈതാനം എന്ന് പോരെ, അങ്ങനെ തന്നെയല്ലേ അന്നാട്ടുകാരും നാമെല്ലാവരും പറയുന്നത്. എന്തിന് ആ നാട്ടിലെ ബസിലെ സ്ഥല സൂചികകളിലും മറ്റും അരയിടത്തുപാലം എന്ന് തന്നെയാണ് എഴുതുന്നത്.
മറ്റാരെങ്കിലും മലയാളഭാഷയെ ഈ രീതിയില്‍ അരും കൊല ചെയ്താലും പൊറുക്കാമായിരുന്നു, പക്ഷെ ഭാഷയുടെ തനിമ നിലനിര്‍ത്താനും അനുബന്ധ ഗവേഷണ പഠനങ്ങളിലും പ്രസിദ്ധീകരണ രംഗത്തും ഇടപെടുന്ന അല്ലെങ്കില്‍ അതിനായി നിയോഗിക്കപ്പെട്ട ‘കേരള ഭാഷാ ഇന്‍സ്റ്റിട്യൂട്ട്’ തന്നെ ഇതു ചെയ്തത് ശരിയായില്ല.
താഴെ കൊടുത്തിരിക്കുന്ന ചിത്രം നോക്കുക.